ऐसी अक्षरे: November 2010

Saturday, November 27, 2010

ओलावा

अश्रू जाऊ देत वाहून
या पानावरच्या थेंबांसारखे..
..
ओलावा मात्र जपून ठेव.

एकांत

एकांत हा आता, करेल माझा अंत
तुझ्या मनी आहे, माझ्याकडे कुठला भगवंत?

Wednesday, November 17, 2010

पोरगी

पोरगी हसते, ना परि फसते
हाय, झुळूक सापडणारी नसते,
जवळ येता येता सुटते, उफ्‌..
बहुदा, नशिबातच अमुच्या नसते.

Sunday, November 14, 2010

चंग आहे बांधला मी, आज सत्य शोधण्याचा
जीवनाशी आजवर माझ्या, खेळणारी तूच ना?

काळजात बसविलेली मूर्ती ती, तुझीच ना?
काळजाला घरे माझ्या, पाडणारी तूच ना?

भांडलो दुनियेशी मी, एका इशार्‍यावर तुझ्या
एकटा गाठून मज आतून, भांडणारी तूच ना?

मोरपिसे सजवून लावली, मुकुटावर मी तुझ्या
टोचण्या मज त्या पिसांना, धार लावली तूच ना?

विश्वास नव्हता मजवर जितका, तितका तुजवर टाकला
विश्वासाचा श्वास माझ्या, तोडणारी तूच ना?

ऐसी अक्षरे