जीवनाशी आजवर माझ्या, खेळणारी तूच ना?
काळजात बसविलेली मूर्ती ती, तुझीच ना?
काळजाला घरे माझ्या, पाडणारी तूच ना?
भांडलो दुनियेशी मी, एका इशार्यावर तुझ्या
एकटा गाठून मज आतून, भांडणारी तूच ना?
मोरपिसे सजवून लावली, मुकुटावर मी तुझ्या
टोचण्या मज त्या पिसांना, धार लावली तूच ना?
विश्वास नव्हता मजवर जितका, तितका तुजवर टाकला
विश्वासाचा श्वास माझ्या, तोडणारी तूच ना?
No comments:
Post a Comment